西貢海鮮邊間好？
心血來潮想喺西貢食海鮮dinner先走，臨急臨忙上網搵西貢邊間海鮮最好，都搵唔到特別講邊間，於是就入咗睇落最旺場嘅全記海鮮酒家。價錢算係中間貴幾十蚊，但係食完成餐我覺得都幾性價比高，所以想寫返篇推介同大家分享吓～
二人餐係278每位，已經包晒所有主菜同甜品，但茶就另外加每位$20，另外係如果想自己自選蔬菜都要每位加$10，但除此之外278係不另外收+1嘅。
第一道餸我哋就揀咗芝士焗龍蝦伊麵，因為男朋友話澳洲龍蝦好味啲，於是我哋就每位加$40升級左呢樣。果然超甜超厚肉，大家都可以試吓呀🥰
另外嗰三樣餸，我哋就叫咗白灼海蝦、椒鹽鮑魚、豉椒炒蜆，三樣都好好味，海蝦係好鮮甜，椒鹽鮑魚炸過好香口，而且都幾大隻喎
豉椒炒蜆就不得了，因為我個人好鍾意個汁，如果送飯應該可以送到好多飯～蔬菜正常就係生菜，我諗一般人都會啱食。本身我哋蔬菜想轉豆苗，但唔知係咪冬天產量唔多，所以佢話每位要加$80，所以最終我哋冇加到
最後就係可以揀生果或者甜品啦，中式糖水我哋呢一晚係紅豆沙，但係為咗健康啲，我哋就揀咗生果，個橙都幾甜
整體來講我就得呢一間都幾好食，唯一缺點係坐戶外會有啲選傳過嚟嘅汽油味，不過我諗間間都會係咁，希望下次食完另外嘅酒家之後可以做個比較啦😆
－－－－－－－－－－－－－－－－－－－－－－－－－－－
如有錯誤請指正，
喜歡這篇文章的話，歡迎留言或追蹤 :)
Instagram: hidylai_62
