原來買德馬係咁簡單😆👍🏻
話說遲下要裝修，一早聽人介紹呢個hangsgrohe牌子，但旺角買龍頭實在太貴，閒閒地一件都兩千，所以就上網搵定啲水龍頭。
Amazon外箱好輕，但送到上黎都爛爛地，好彩啲貨無爛😂
#Hangsgrohe同 #Grohe 兩個牌子我都有睇，但最後啲人話前者係德國製，後者比較多係馬來西亞或者其他國家嘅廠製造，所以最後都係揀咗Hangsgrohe。
揀左好耐最後買左呢個組合，連運費2千蚊唔洗買到曬廁所要嘅龍頭，最癲係張圖寫係4號落單，中間張信用卡碌唔到，後來換左卡係6號先比到錢，但竟然一個星期就到香港，已經係普通運送嘅選項😂真係勁快，我諗加快可能真係2、3日就到，依家嘅物流快到令人驚嘆😂 買德馬同淘寶都差唔多時間。
德馬主要用德文，當然有得揀英文，但好多時產品選項都冇得幫你譯，所以都係睇圖揀，好彩冇中伏冇揀錯。
買水龍頭真係唔慳得，因為揀得靚嘅牌子係會長遠幫你慳水，所以慳錢如我最後都揀咗呢個牌子。😛😛岩岩開左箱睇咗下啲料真係幾靚，遲啲裝咗有機會再分享😆 另外廚房龍頭揀左美國嘅牌子，要係美國Amazon分開買，期待過幾日到貨🥰
#裝修日記 #師奶慳錢大法 #開箱 #水龍頭 #德馬 #亞馬遜 #Amazon #美馬
－－－－－－－－－－－－－－－－－－－－－－－－－－－
如有錯誤請指正，
喜歡這篇文章的話，歡迎留言或追蹤 :)
沒有留言:
張貼留言