2020大改變！狀況百出的矯視經驗全記錄+手術注意事項 & 價錢

新一年突然的起心肝，想有一些不同的轉變，
於是決定做一直很想做但又不敢，或者懶去做的微笑激光矯視！

上網搜集資料後，發現最多人選擇的是
清晰微笑激光矯視中心。
之前也有朋友做過這間，而術後感覺也OK，
於是星期三看資料，星期六便去了聽講座～

整個矯視過程其實很快，
只要有決心做，就可以很快跟眼鏡講byebye～👀❤




【Step 1: 聽講座 - 4/1/2020】

一上到中心便看到人頭湧湧，
去櫃檯報到後很快就會有專人幫你做簡單的眼部檢查，
就是平時在眼鏡舖做的那種，看著藍天白雲和熱氣球的圖像。
不消一分鐘便完成，比較特別是會有角膜厚度的初步檢查，
因為如果角膜太薄或有問題是不能做矯視的！

檢查完5分鐘後，
姑娘匆匆忙忙地拿著數據過來，
解釋每隻眼的度數和厚度是否適合，
初步說我的度數是適合做矯視的~
(不過這只是初步數據，我有朋友到了詳細檢查那天，
才發現角膜有其他問題而不能做矯視。)

等到差不多時間，就會有姑娘說開始矯視講座，
然後帶我們上到17樓聽講座，
矯視講座的房間設計很耀眼，是很醒目的黃色，
不消一會就有醫生來跟我們講解了，
講座說的都是基本概念，
完矯視講座後，
原來馬上就可以預約手術時間！
而如果你沒有指定醫生的話，
那就是剛才為你做講座的那位醫生了。

預約了年30晚做手術，
可以接著新年假好好地休息～
帶著有點期待又害怕的心情等著手術天～～



【Step 2: 矯視檢查+手術天 - 23/1/2020】

當天是年29，原本我預約的是年30早上做手術，
後來因為擔心術後第二天
因為中心放新年假而無法覆診，
所以最後還是放棄了「早鳥優惠」，
安排同一天做檢查+矯視手術。

這樣就可以年29做手術，年30覆診，
新年假的幾天就在家休息。

這一天行程相當忙碌，
一早10點半到銅鑼灣的中心已經人頭湧湧，
中心內的座位也不夠坐，
我們只能坐到外面的訪客位置。

叫到名之後就是一連串的驗眼
會先簡單驗度數還有測角膜厚度，
因為我的眼睛很敏感，
吹風測角膜厚度我不斷眨眼😂😂

之後就有姑娘幫你做詳細驗眼
會問關於舊眼鏡的問題
之後落藥水放大瞳孔
等大約1小時後見醫生

醫生幫我檢查後就說我的瞳孔天生較大，
所以夜晚看光時會有一點散，
在告訴我這個風險之後，
醫生告訴我一陣做手術要怎樣配合，
之後就簽同意書。

簽好就可以去吃飯，
因為需要幾小時等瞳孔回復正常大小。



下午回中心就有姑娘幫我滴收瞳孔的眼藥水，
但我隻眼嘅瞳孔係一大一細😂😂😂
右眼好似扭計咁一直都唔收細，
等到入去見醫生，
醫生話都係太大做唔到住，
之後就叫我係外面等，
有個姑娘又再幫我嘅右眼滴收瞳孔的眼藥水。

突然好快就叫我著手術衣，
我心諗：「唔係要等瞳孔收細咩？」
懷住不安嘅心情，著上手術衣
係等候室一個人等咗40分鐘左右，
手術室那邊有動靜了！

有人過來幫我滴了麻醉眼水之類的東西，
然後叫我瞓係手術床上面，
手術室唔算好大，房入邊有醫生同埋3個姑娘左右
瞓咗係床之後，醫生會叫你眼望向上，
用手術膠紙 (?) 黐住下面嘅眼睫毛，
然後再叫你眼望佢下面，再黐住上面嘅眼睫毛

黐完之後其實隻眼已經好似唔係好睇得清楚野咁
唔知係麻醉眼水還是手術膠紙擋住了視線，
手術膠紙太大張擋住我鼻子，
讓我呼吸不太到，下意識就伸手上來，
醫生嚇壞：「你想做咩？我幫你，你唔好郁，有咩事叫我。」

然後我就乖乖地一動不動地瞓係張床，
但心裡其實相當緊張，手術要開始了！
一開始張床會慢慢伸入白色機器入面
向上看有一個白色光環，
這個大光環會慢慢消失並降落到眼上，
整個世界就變成漆黑一片，
中間有一粒綠色點，
你需要做的就是呆看綠色點直至它消失。

如果切割成功，機器就會發出很未來感的聲音
「Safe Zone」
然後床就會慢慢移到醫生那邊，
這時候醫生會用手術工具，
在眼上面好像在攪拌啫喱，
又或是在掃來掃去的感覺，
但是不痛，因為眼球麻醉了。
最後一下，會好像拉了些東西出來，
但是感覺也不是很強，
做好後會馬上沖眼+滴消炎殺菌眼藥水，
然後就可以正式閉上眼休息到左眼了！

同一步驟左眼再經歷一次，
只係有點奇怪，
做左眼時綠色點慢慢由中間移到左上角小小嘅位置，
但後來我手術順利完成，
也忘了問醫生原因。

微笑矯視手術過程，
我諗大概3個字左右就完成了，
手術完成醫生都會即場檢查
冇咩大問題就可以走啦。



【Step 3: 術後休息】

提提大家，我覺得真係一定要有人陪，
因為係會勁大霧，會好唔習慣，
如果你冇朋友陪你建議坐的士直接回家。

屋企比較遠嘅我搭巴士返屋企，
全程我都幾乎瞇埋眼，
一回到家涼都唔沖換咗衫之後
就即刻瞓係張床上面4個鐘。

要咁樣痴咗先可以瞓，就唔會壓到隻眼

瞓醒之後呢個感覺真係會好咗好多嘅，
啲霧會少咗好多嘅。
之後嘅時間，
我大部份都會半瞇着眼咁樣去做野，
務求俾隻眼多啲休息😂😂😂

矯視術後休息主要都係狂滴眼水同多瞓教。

【Step 4: 術後覆診】

第2日覆診，視力應該回復到7成左右，

都仲會隱約Feel到眼有傷口的，但唔痛。

正常係第2日、一星期後、一個月覆診3次。

一星期內時，有時仍會覺得眼睛的視力不夠用，

好似都仲有點近視，

就好似鏡頭Focus咗喺遠野到，

但有時睇近野/手機唔係太Focus到，

有啲鏡頭錯亂嘅感覺，

不過係唔洗驚，係正常嘅，

因為你嘅身體都需要時間適應變化。

但當時嘅我就好擔心係咪手術失敗咗😂，

因為手術時我都幾緊張，

左眼粒綠點又試過移動，

而唔係人地講嘅一直係中間，

所以都有啲擔心。

但一星期後覆診時我問醫生康復進度，

佢話我眼嘅近視已差唔多清晒，

先放心少少，然後隔多一兩個星期，

真係開始慢慢更清晰！

---------------------------------------------------

矯視手術留意事項

1. 了解晒成個過程後，放心交比醫生

唔好太緊張

2. 手術前檢查都要有定心理準備，

唔一定100%做得

(因為有朋友本來準備好晒做，點知檢查完話唔做得...)

3. 手術前準備定多D唔洗用眼嘅娛樂 (eg. 語音書? 聽歌?)

4. 手術後唔可以有水入眼，

沖涼要好小心

兩日後如果要洗頭，

我都係用Johnson's個隻不澀眼洗頭水，

希望將危險減到最低

---------------------------------------------------

矯視價錢

個網透明度好高

https://smile.claritymedic.com/fees/

大家可以上去睇下

我本來預$27000-28000

但最後我埋單係$25100

因為我做個時都有啲優惠

$26100(恆生信用卡分期價)-$500(朋友介紹)-$500(Talk後即Book)

= $25100

本來仲有個「早鳥優惠」可以減多$500，

就係你前一日檢查，

第二日朝早去做矯視手術，

但後來為咗方便請假，

我安排咗同一日，放棄咗呢個優惠，

所以最平其實$24600已經可以做到雙眼啦！

我覺得用係對眼嚟講好值得～

---------------------------------------------------

服務

個人認為係唔差，

但我個人體驗覺得無網上啲Blogger講到咁好，

有個別姑娘手勢都有啲粗魯，

但我去覆診時聽到有個醫生勁溫柔咁教病人術後要點做，

所以我諗可能只係個人嘅問題，

Overall我覺得係OK同值得嘅～

呀！仲有係服務方面有熱飲機下禁下，

可以飲熱朱同埋熱牛奶😊

---------------------------------------------------

分享暫時諗到係咁多，

如果大家真係去做，

祝你地矯視手術成功 & 早日康復！❤

最近因為疫情，又去咗配返平光鏡防飛沫，
係EGG配 $200，仲係抗藍光鏡片Tim~

---------------------------------------------------

一年後更新：

10-12月眼乾到一個點

有時眨眼會有卡啦卡啦的感覺😂

（唔知大家明唔明，總之係乾到感覺有聲咁）

最後一次覆診時特登提，

醫生話一切都正常，眼乾用啲眼水就OK

其實我都一直有用，但都係好乾

有時仲會因為乾而令睇野唔夠清楚

最後一次醫生都無再開眼水比我⋯⋯

好彩後來眼乾情況又無咁嚴重了

可能係冬天乾燥嘅原因吧😂😂😂

---------------------------------------------------

近3年後更新：

同隻眼相處得幾好

已經開始忘記有手術呢件事 

不過諗返起個手術好值得

由其是冬天可以瞓多5-10分鐘唔洗戴con😎

有一次想買colour con去驗眼

視光師話我唔只無近視仲有啲遠視tim 😂😂

－－－－－－－－－－－－－－－－－－－－－－－－－－－

如有錯誤請指正，

喜歡這篇文章的話，歡迎留言或追蹤 :)

Instagram: hidylai_62
Facebook: 少女師奶生活雜記

如果有任何問題
建議到Facebook或IG找我會比較快有回應喔！